Wednesday, May 20, 2015

Ufisadi huu sasa kiama





Mdhibiti na Mkaguzi Mkuu wa Hesabu za Serikali (CAG), Profesa Mussa Juma Assad akizungumza na waandishi wa habari mjini  Dodoma jana. Picha na Emmanuel Herman 



Kwa ufupi

    Ripoti tano za CAG za ukaguzi wa fedha kwa mwaka unaoishia Juni, 2014, zinaonyesha upotevu wa zaidi ya Sh600 bilioni.

Dodoma. Mdhibiti na Mkaguzi Mkuu wa Hesabu za Serikali (CAG), Profesa Mussa Assad amewasilisha ripoti tano za ukaguzi wa fedha kwa mwaka ulioishia Juni 30, 2014 akibainisha ufisadi wa zaidi ya Sh600 bilioni katika maeneo mbalimbali na matumizi ya fedha ambayo hayana maelezo ya kutosha.

Waibua maswali kusimamishwa kazi kwa aliyemtumia ‘SMS’ JK





Paul Mhumba,Mwenyekiti wa Chama cha Wafanyakazi wa Serikali Kuu na Afya (Tughe). PICHA| MAKTABA



Kwa ufupi

    Mtumishi huyo, Paul Mhumba aliyekuwa Idara ya Uhasibu, ambaye pia ni Mwenyekiti wa Chama cha Wafanyakazi wa Serikali Kuu na Afya (Tughe), aliandikiwa barua ya kusimamishwa kazi Mei 5, mwaka huu.

Moshi. Nani alivujisha siri? Hili ndilo swali linaloumiza vichwa vya wananchi wengi sasa, baada ya Hospitali ya KCMC kumsimamisha kazi mtumishi wake, kwa madai ya kutuma ujumbe wa simu ya mkononi (sms) kwa Rais Jakaya Kikwete.

Watinga kuchukua maiti wakivalia nguo za magunia





Ndugu na jamaa wa marehemu Victoria Silvester (53), wakiwa ndani ya chumba cha kuhifadhia maiti cha Hospitali ya Rufaa ya KCMC, huku wakiwa wamevaa magunia walipokwenda kuuchukua mwili kwa ajili ya mazishi, mkoani Kilimanjaro jana. Picha na Dionis Nyato 



Kwa ufupi

    Walikuwa wamevalia magunia, lakini sababu ya kuvalia nguo hizo haikuwa kama maandiko hayo yanavyosema kuwa “kwa sababu hiyo jifungeni nguo za magunia; ombolezeni na kulia kwa uchungu; kwa maana hasira kali ya Bwana haikugeuka na kutuacha”.

Moshi. Ilikuwa ni kama kutekeleza maandiko ya Biblia yanayosema “jifungeni nguo za magunia, ombolezeni na kulia kwa uchungu”, wakati ndugu walipokwenda Hospitali ya Rufaa ya KCMC kuchukua mwili wa marehemu.

Tuesday, May 19, 2015

Magazeti ya leo tarehe 19/05/2015 ya Tanzania



GAZETI LA MWANANCHI

Mkuu wa Wilaya ya Rombo Lembris Kipuyo  amesema tatizo la ulevi kupindukia Wilayani humo limewaathiri wanaume kiafya na kuwataka watendaji kulivalia njuga.
Kutokana na ulevi huo kuna madai kwamba baadhi ya wanawake wanaoishi kwenye ndoa wamelazimika kutafuta wanaume nchi jirani ya Kenya ili wapate mimba kutokana na wanaume zao kuzidiwa na ulevi hivyo kushindwa kuwahudumia.

Wakodi wanaume kutoka Kenya







Kwa ufupi

    Baadhi ya wanawake wa Rombo wadaiwa kukodi wanaume wa kufanya nao mapenzi kutokana na waume zao kuzidiwa na ulevi na kushindwa kufanya tendo hilo.


Rombo. Mkuu wa Wilaya ya Rombo, Lembris Kipuyo amesema tatizo la ulevi kupindukia wilayani humo, limewaathiri wanaume kiafya na kuwataka watendaji kulivalia njuga.

Kutokana na ulevi huo, kuna madai kuwa baadhi ya wanawake wanaoishi kwenye ndoa wilayani huo, wamelazimika kutafuta wanaume nchi jirani ya Kenya ili wapate mimba kutokana na waume wao kuzidiwa na ulevi, hivyo kushindwa kuwahudumia.

Vuta nikuvute ya Burundi na historia yake





Mmoja wa waandamanaji  wanaopinga Rais Pierre Nkurunziza, kuwania tena urais. Picha ya Mtandao 



Kwa ufupi

    Tanzania imekuwa mwathirika mkuu wa machafuko na vita ya wenyewe kwa wenyewe wakati wote kwa kupokea na kuhifadhi wakimbizi


Burundi nchi ndogo iliopo katika  Ukanda wa Afrika Mashariki, ilikaliwa na wakoloni wa Kibeligiji  na kujikuta ikipita kwenye jangwa la harubu na misukosuko mingi ikiwamo ya umwagaji wa damu.

Hali hiyo imetokana na kuzuka vita ya kikabila viliyoacha makovu, machungu na kumbukumbu mbaya katika uga na mwelekeo wa  maendeleo ya  siasa na demokrasia yake hata kutishia na kuathiri nchi jirani ikiwamo Tanzania.

Chimbuko la ghasia na mapigano inaelezwa  kuwa ni Jeshi la Burundi kuasi na kusababisha mauaji ya kinyama kwa wananchi wasio na hatia.

WADAU WATAKA SERIKALI ZISIMAMIE UFUATILIAJI NA TATHMINI YA SDGs






Sehemu ya Wawakilishi wa Nchi Wanachama wa Umoja wa  Mataifa katika siku yao ya kwanza ya mkutano wa siku nne unaojadili juu ya mfumo wa ufuatiliaji  na tathmini ya utekelezaji wa Maendeleo  Endelevu ya   Maendeleo baada ya 2015. Majadiliano  hayo ni  moja ya eneo muhimu kueleleka ukamilishaji wa  Mchakato wa  Ajenda na Malengo SDGs.  Mkutano huu unafanyika  hapa Makao Makuu ya Umoja wa Mataifa.



Na Mwandishi Maalum, New York
Mchakato  wa  ukamilishaji wa   Malengo Mapya ya Maendeleo endelevu  baada ya  2015 ( SDGs)  umeingia katika hatua nyingine muhimu ambapo,  nchi wanachama wa Umoja wa Mataifa wanakutana    hapa makao makuu ya UM   wakijadiliana kuhusu mfumo wa ufuatiliaji  na   tathmini ya  malengo  hayo.
Mkutano huo   unaojadili aina ya mfumo wa ufuatiliaji na tathmini, utafanyika kwa siku  nne na umeanza siku ya jumatatu  kwa wajumbe kutoa  mchango wa maoni  na  mawazo yao kwa kuzingatia rasimu  iliyowasilishwa na wenyeviti- wenza wa mchakato wa majadiliano  juu ya ajenda na malengo ya maendeleoe endelevu baada ya  2015.

Tuzo ya dereva bora wa basi yaja




Dotto Kahindi, Mwananchi
Dar es Salaam. Mzimu wa ajali wa ajali za barabarani umeendelea kuisumbua nchi yetu, kiasi kwamba katika miezi michache iliyopita hali imekuwa ya kutisha.

Saturday, May 16, 2015

Sifa kumi za mgombea urais wa CCM




Kwa ufupi


Haikuwa kazi nyepesi na namshukuru kila mmoja aliyetoa mchango wake wa mawazo na aliyefuatilia nilichoandika, lakini nawaomba radhi wale wote ambao hawakupenda nilivyoandika na hasa walioumizwa lakini mrejesho mkubwa niliopokea kutoka kwa jamii ni kuendelea kuifanya kazi hii kwa sababu ina tija kwa Taifa.

Hivi karibuni nimesaidiana kimawazo na Watanzania wenzangu katika kufanya uchambuzi wa watu wanaotajwa au waliojitangaza kuwa watawania uteule wa urais kupitia CCM na nalishukuru gazeti hili kwa kukubali kuchapisha maoni yangu.

Haikuwa kazi nyepesi na namshukuru kila mmoja aliyetoa mchango wake wa mawazo na aliyefuatilia nilichoandika, lakini nawaomba radhi wale wote ambao hawakupenda nilivyoandika na hasa walioumizwa lakini mrejesho mkubwa niliopokea kutoka kwa jamii ni kuendelea kuifanya kazi hii kwa sababu ina tija kwa Taifa.

Magazeti ya leo Tanzania Mei 16



GAZETI LA MWANANCHI



Wakati Mkutano wa Bunge ukianza kwa mjadala wa uliopoteza mwelekeo na kutawaliwa na malumbano kati ya Wabunge wa CCM na wa Vyama vya Upinzani, Naibu Spika Job Ndugai amesema ni vigumu hali hiyo kuzuilika kwa kuwa mwaka huu ni mwaka wa Uchaguzi.
Bunge hilo lilipokea na kuanza kujadili Hotuba ya Bajeti ya Ofisi ya Waziri Mkuu ambapo yaliibuka malumbano ya kisiasa huku Wabunge wa Upinzani wakilalamikia udhaifu wa Serikali katika utekelezaji wa mipango ya maendeleo kwa miaka 10 iliyopita.
Mwaka huu ni wa Uchaguzi huwezi kuzuia hiyo hali na kumbuka kuwa Wabunge ni Wanasiasa.. Wabunge homa zipo juu na hawawezi kukaa hapa wakati katika Majimbo yao wanapigiwa simu kuwa yamevamiwa”—Naibu Spika Job Ndugai.
Baadhi ya Wabunge walisema agenda kuu kwa sasa ni Uchaguzi Mkuu kwa kuwa hiki ni kikao cha mwisho cha Bunge na baada ya hapo wote wanarudi Majimboni kwa ajili ya Uchaguzi.


GAZETI LA MWANANCHI